nadom aqoidul iman sunda

بسم الله الرّحمن الرّحيم

NADZOM KALIMAH TAUHID

لا اِلَهَ اِلاّ الله لا مَوْجُوْدَ اِلاّ الله  *  لا اِلَهَ اِلاّالله لا مَعْبُوْدَ اِلاّ اللهْ * لا اِلَهَ اِلاّ الله لا مَطْلُوْبَ اِلاّ اللهْ   * لا اِلَهَ اِلاّ الله لا مَقْصُوْدَ اِلاّ الله *  بِسْمِ ٱللهِ  تَوَكَّلْنَا عَلَى الله لا حَوْلَ وَلا قُوَّةَ إلاّ بالله              أَسْتَغْفِرُاللهَ العظيم ×3  وَاَتُوْبُ إِلَيْهِ

NADZOM A’QOIDUL IMAN

Ari aqoidna iman * Eta aya lima puluh perkara * Dua puluh anu wajib di Alloh *  Dua puluh anu muhal di Alloh * Hiji nu wenang di Alloh * Jadi jumlah opat puluh hiji * Opat nu wajib di Rosul * Opat numuhal di Rosul * Hiji nu wenang di Rosul *  Jadi jumlah na salapan * Salapan rejeung opat puluh hiji * Jadi jumlah lima puluh

                                     

 SIFAT WAJIB ALLAH

وُجُوْد قِدَمْ بَقَاءْ مُخَالَفَةُ لِلْحَوَادِثِ  * قِيَامُهُ بِنَفْسِهِ وَحْدَانِيَّةْ قُدْرَةْ إِرَادَةْ * عِلْمُ حَيَاتْ سَمَعْ بَصَرْ كَلَامْ قَدِيْرًا مُرِيْدًا * عَالِمًا حَيًّا سَمِيْعًا بَصِيْرًا مُتَكَلِّمًا

 Aya,heubel,langgeung  * Beda jeung kabeh nu anyar * Teu butuh kana

 tempat * Jeung teu butuh kanu ngayakeun *  Teu bingbilangan dzatna * Sifatna sareng dameulna * Kawasa kersa uningga * Jeung hirupna * Ngadangu ninggali * Sasauran bukti kawasa * Bukti Alloh anu keursa * Nu uninga jeung hirupna * Bukti nu ngadangu * Nu Ninggali nu sasauran * Jadi Sadaya  nu wajibna dua puluh

SIFAT MUSTAHIL DI ALLOH

عَدَمْ,حُدُوْثْ,فَنَاءْ,مُمَاثَلَةُ لِلْحَوَادِثِ  *  اَلْإِحْتِيَاجْ اِلَى الْمَحَالْ التَّعَدُدْ عَجُزْ كَرَاهَهْ * جَهَلْ مَوْتْ صَمَمْ عُمْيٌ حَرْسٌ عَزِيْزًا كَرِيْهًا *  جَاهِلًا مَيْتًا اَصَمَمْ اَعْمَى اَبْكَمَ

Eweuh, anyar, ruksak * Sarupa rejeng nu anyar * Butuh kana tempat * Jeung butuh kanu ngayakeun * Bingbilangan dzatna * sareng Sifatna dameulna * Apes kapaksa * Bodo moat torek lolongna * Pire bukti Alloh * Anu apes anu kapaksa * Anu bodo maot torek * Lolong jeung pirena     

    SIFAT WUJUD

Harti wujud aya Allah * Mustahil Allah ta’ala eweuh * Ari dalil ayana Allah * Ayana ieu sakabeh alam          

SIFAT QIDAM

Harti qidam teu aya mimitina * Mustahil Allah aya mimitina * Ari dalil qidamna Allah * Sabab lamunAlloh hanteu qidam * Pasti Allah eta anyar

SIFAT BAQO

Harti baqo teu aya tungtungna * Mustahil Allah aya tungtungna * Ari dalil baqona Allah * Sabab lamun aya tungtungna * Pasti ayana aya mimitina

SIFAT MUKHOLAFATUL LILHAWADISI

Harti mukholafatul lilhawadisi * Beda Allah jeung sakabeh anu anyar * Mustahil Allah sarupa jeung nu anyar * Dalil mukholafatul lilhawadisi * Lamun Allah sarupa jeung nuanyar * Pasti Allah eta anyar * Sedeng mustahil Alloh anyar

SIFAT QIYAMUHU BINAFSIHI

Harti qiyamuhu binafsihi * Alloh teu butuh kana tempat * Jeung teu butuh kanu ngayakeun * Mustahil Alloh butuh kana tempat * jeung mustahil butuh kanu ngayakeun * Dalil qiyamuhu binafsihi * Lamun Alloh butuh kana tempat * Pasti Alloh eta sifat * Sedeung lamun Alloh sifat * Moal bisa ngayakeun Alam * Jeung lamun Alloh butuh kanu ngayakeun * Pasti Alloh eta anyar * Sedeung mustahil Alloh anyar

SIFAT WAHDANIYYAT

Ari harti wahdaniyat * Hiji dzatna hiji sifatna * Hiji padamelan nana * Mustahil Allah Bingbilangan * Dina dzatna dina sifatna * Dina padameulannana * Ari dalil anu nuduhkeun * Kana yen Allah wahdaniyat * Sabab lamun Allah bingbilangan * pasti moal aya mahluk

SIFAT QUDROT

Harti qudrot Allah kawasa * Mustahil Allah ta’ala apes * Ari dalil sifat qudrot * Sabab lamun Allah  apes * Moal bisa ngayakeun Alam

SIFAT IRODAT

Harti irodat Allah kersa * Mustahil Allah ta’ala teu keursa * Ari dalil Sifat Irodat * Sabab lamun Alloh teu keursa * Pasti ngadameulna ka paksa * Ari nu bisa kapaksa * Eta ciri apes tea

SIFAT ILMU

Harti ilmu Allah uningga * Mustahil Allah ta’ala teu uninga * Ari dalil Sifat Elmu * Sabab lamun Alloh teu uningga * Pasti Allah Hanteu keursa * Sedeng lamun Alloh henteu kersa * Pasti ngadameulna ka paksa

SIFAT HAYAT

Harti hayat hirup Allah * Mustahil Alloh ta’ala maot * Ari dalil sifat hayat * Sabab lamun Allah maot * Moal bisa ngayakeun Alam

SIFAT SAMA

Harti sama Allah ngadangu * Mustahil Allaah ta’ala teu ngadangu * Ari dalil Sifat Sama * Dawuhan Allah dina al-quran

SIFAT BASOR

Harti Basor Allah ninggali * mustahil Allah ta’ala teu ninggali * Ari dalil Sifat Basor * Dawuhan Alloh dina al-quran

SIFAT KALAM

Harti Kalam Allah ngadawuh * Mustahil Allah ta’ala teu ngadawuh * Ari dalil Sifat Kalam * Dawuhan Alloh dina al-quran

SIFAT KOUNUHU QODIRON

Ari hartikaunuhu qodiron * Bukti Allah eta nu kawasa * Mustahil bukti  Alloh anu apes * Ari dalil kaunuhu qodiron * Eta dalil sifat qudrot

SIFAT KOUNUHU MURIDAN

Ari hartikaunuhu muridan  * Bukti Allah eta anu keursa * Mustahil bukti Allah nu kapaksa * Ari dalil kaunuhu muridan * Eta dalil sifat irodat

SIFAT KAUNUHU ALIMAN

Ari hartikaunuhu aliman * Bukti Allah eta nu uningga * Mustahil bukti Allah anu bodo * Ari dalil kaunuhu aliman * Eta dalil sifat ilmu

SIFAT KOUNUHU HAYAN

Ari hartikaunuhu hayyan * Bukti Allah eta nu hirup * Mustahil bukti Allah anu maot * Ari dalil kaunuhu hayyan * Eta dalil sifathayat

SIFAT KONUHU SAMIAN

Ari hartikaunuhu samian *  Bukti Allah eta nu ngadanggu * Mustahil bukti Alloh teu ngadanggu * Ari dalil kaunuhu samian * Eta dalil sifat sama

SIFAT KONUHU BASIRON

Ari hartikaunuhu basiron * Bukti Allah eta nu ninggali * Mustahil bukti Allah anu lolong * Ari dalil kaunuhu basiron * Eta dalil sifat basor

SIFAT KONUHU MUTAKALIMAN

Ari hartikaunuhu mutakaliman * Bukti Allah eta nu ngadawuh * Mustahil bukti Allah anu pire * Ari dalil kaunuhu mutakaliman * Eta dalil sifat kalam

SIFAT NU WEUNANG

Ari nu weunang di Allah * Eta aya hiji Sifat * Nyaeta Allah ngadameul mumkin * Atawa tinggal ngadameul mumkin * Mustahil wajib ngadameul mumkin * Atawa henteu ngadamel mumkin * Sabab Lamun wajib ngadameul mumkin * Atuh weunang jadi wajib * Sedeng kitu teh eta Mustahil

SIFAT ANU WAJIB DI ROSUL

Ari nu wajib di Rosul * Eta aya opat sifat * Hiji Sidiq dua Amanah * Tilu tabliq opat fathonah

SIFAT SIDIQ

Harti sidiq bener para Rosul * Dina ngaku jadi Rosul * Sareng dina nepikeun hukum * Mustahil para rosul bohong * Ari dalil sifat sidiq * Sabab Alloh ngabeneurkeun * Tandana Alloh masihan mujizat * ka sakabeh para rosul

SIFAT AMANAH

Ari harti sifat amanah * Para Rosul tara hiyanat * Ku midameul larangan Alloh * Dina dzohir sareung batinna * Ari dalil sifat amanah * Sabab Alloh ngawajibkeun * Kana turut ka para rosul

SIFAT TABLIG

Ari harti sifat tablig * Para rosul nepikeun hukum * Nu di parentah nepikeun nana * Mustahil rosul teu nepikeun hukum * Ari dalil sifat tablig * Sabab mun rosul nyumputkeun hukum * Atuh umatna di parentah nyumputkeun * Sedeung kitu teh eta larangan

SIFAT FATHONAH

Harti fathonah pinter para rosul * Mustahil para rosul bodo Sahingga eleh hujah ku musuh na * Sahingga eleh hujah ku musuh na * Ari dalil pinter para rosul  * Dawuhan Alloh dina al quran

SIFAT ANU WEUNANG DI ROSUL

Ari nu weunang di rosul * eta aya hiji sifat *  Nyaeta a’rod basariyah * hartina sifat kamanusaan * Tapi kayid hanteu ngurangan * kana martabat karosulan

NADZOM RUNDAYAN KANGJEUNG NABITI PIHAK RAMANA

Wajib ka jalma islamna *  Uninga turunan Nabi * Tipihak abi jeung ummi * Sadayana kade lali * Muhammad putra Abdullah * Abdullah  putra Mutthalib * Mutthalib  putrana Hasyim * Hasyim putra Abdi Manaf * Abdi Manaf putra Qusyai * Qusyai putrana Kilab * Kilab putrana Muroh *  Muroh putrana Ka’ab * Ka’ab putrana  Luai *  Luai putrana Ghalib * Ghalib putrana  Fihir * Fihir putrana Malik * Malik putrana Nadhar * Nadhar putrana Kinanah * Kinanah putra Quzaimah * Quzaimah putra Mudrikah * Mudrikah putrana Ilyas * Ilyas putrana mudhor * Mudhor putrana Nijar *  Nijar Putrana Ma’ad * Ma’ad putrana Adnan * Ti Adnan dugika Adam * Haram nguningakeun nana * Sabab taya jalan Soheh

NASAB NABI TI JIHAT IBUNA

Wajib deui kabeh jalma * Uningga rundayan nana * Eta ti pihak ibuna * Uningga wincikan nana * Muhammad putra Aminah * Aminah putrana Wahab * Wahab putrana Abdi Manaf * Abdi Manaf putra Juhroh * Juhroh putrana Kilab * Pakumpul turunan Nabi * Di Kilab jenengan nana * Eyang anu ka tujuhna

NABI MUHAMMAD SAW KAGUNGAN TALAGA

Wajib di tekadkeun ku kabeh manusa * Nabi Muhammad teh kagungan talaga * Mahluk-mahluk kabeh daratang kadinya * Dina poe qiyamat geus pasti nyata * Talaga teh eta lain Kautsyar tea * Kautsar mah hiji walugan di surga

MUHAMMAD SAW NU BAKAL NYAFA’ATAN

Wajib deui kabeh mukalaf nekadkeun * Nabi Muhammad nu bakal nyafa’atan *Dina waktu jalma ayana hukuman * Waktu ereun di ma’syar hayang budalan * Ngaran ma’syar pelataran anu lega * Panas panon poe harita tujuh nyata * Kalawan syafa’at Muhammad nu nyata * Manusa di bubarkeun ti maukepna * Anu di pasihan widi nyafa’atan * khusus Nabi Muhammad hanteu nu sejen